Back العراب: الجزء الثالث (فيلم) Arabic The Godfather Part III AST Xaç atası 3 Azerbaijani Кръстникът 3 Bulgarian দ্য গডফাদার পার্ট ৩ Bengali/Bangla El Padrí III Catalan Kmotr III Czech Хресна атте 3 CV The Godfather Part III Welsh The Godfather: Part III Danish
The Godfather Part III (títol orichinal en anglés, en aragonés O padrino parte III, enguerada en Aragón con suyo títol traduciu enta lo castellano como El padrin. Parte III) ye una cinta de cine estausunidense de cine de drama y cine de gángsters enguerada l'anyo 1990, dirichida por Francis Ford Coppola seguntes un guión orichinal de Mario Puzo y lo mesmo Francis Ford Coppola, con una banda onora orichinal de Carmine Coppola, una dirección de fotografía de Gordon Willis y una producción cinematografica a lo cudiau de Francis Ford Coppola ta las productoras Paramount Pictures y Zoetrope Studios. De l'elenco d'a cinta en fan parte, entre d'atros, os actors Al Pacino, Diane Keaton, Talia Shire, Andy García, Eli Wallach, Joe Mantegna, George Hamilton, Bridget Fonda, Sofia Coppola, Raf Vallone, Franc D'Ambrosio, Donal Donnelly, Richard Bright, Al Martino, Helmut Berger, Don Novello, John Savage, Franco Citti, Mario Donatone, Vittorio Duse, Enzo Robutti, Michele Russo, Robert Cicchini, Rogerio Miranda, Carlos Miranda, Vito Antuofermo, Mickey Knox, Brett Halsey, Jeannie Linero, Carmine Caridi, Don Costello, Al Ruscio, Rick Aviles, Michael Bowen, John Abineri, Marino Masé, Dado Ruspoli, Valeria Sabel, Remo Remotti, Anthony Guidera, Jessica DiCicco, Catherine Scorsese, Willie Brown y David Hume Kennerly.
The Godfather Part III fa parte d'una serie de cintas que prencipia con The Godfather (1972, Francis Ford Coppola), continando con The Godfather Part II (1974, Francis Ford Coppola), y conta cómo Michael Corleone, que ye ya amán de cumplir 60 anyadas, tiene lo rau-rau por a suya carrera d'actividaz delictivas (y mas que mas por l'asasinato d'o cuyo chirmano Fredo Corleone) y decide convertir-se en nomás que un empresario normal, fendo importants donacions a la Ilesia Catolica a cambio de que ista blanqueye lo suyo pasau. Vive esvurciau d'a suya muller, Kay Adams-Corleone, y sus flllos, Anthony y Mary, viven con su mai. Connie Corleone, la chirmana de Michael, se converte en a valedora de Vincent Mancini, lo fillo extramatrimonial d'o falleixiu Sonny Corleone, que tien una pezquinera con Joey Zasa, qui ha succediu parcialment a Michael en os suyos negocios brutos. En ixas condicions, Michael paga cantidaz muy elevadas a los dirichents d'a Mafia estausunidense ta que no intervengan en a suya resolcuión d'albandonar o mundo d'o crimen, pero Don Altobello lidera a lo grupo que quiere partecipar tamién en os negocio legals de Michael, y Joey Zasa prepara un atentau a on mata a la mayor parte d'a Mafia estausunidense. Michael, protechiu por Vincent, consigue fuyir. Aporta una gran cantidat de diners a la Ilesia Catolica ta mercar a suya partecipación d'o 25& en Internazionale Immobiliare una empresa d'o sector immobiliario con gran presencia en toda Europa, pero en morir o Papa, que heba de ratificar a compra, se troba enganyau por l'arcebispe Gilday y por os dirichens d'a empresa, que li posan trabas ta controlar a companyía. Muit afectau, Michael dentra en coma diabetico, situación que aproveita Vincent ta, d'alcuerdo con Connie, matar a Josy Zasa. Cuan se recupera, Michael opta por marchar enta Sicilia con a desincusa d'una actuación de su fillo Anhtony, cantaire d'Opera, y bien luego descubre que Vincent mantiene relacions con a suya prima Mary Corleone, y a la vegada que planifica la suya venganza contra los que l'heban enganyau, diz a Vincent que lo nombrará lo suyo succesor pero que a cambio ha de rematar con a relación con su filla. D'atra man, Don Altobello ha encargau a Mosca, un perigloso sicario, que asasine a Michael.
A cinta s'ambienta en Nueva York (Nueva York), en Atlantic City (Nueva Jersey), en a Ciudat d'o Vaticano y en Palermo, Corleone y atros puestos de Sicilia, y las suyas escenas se filmoron en Nueva York (Nueva York) y Atlantic City (Nueva Jersey) en os Estaus Unius, en a Ciudat d'o Vaticano y en Viterbo y Roma (Lazio) y Acireale, Catania, Fiumefreddo di Sicilia, Mecina, Palermo, Trapani y Erice (Sicilia) en Italia, amás d'en os estudios de Cinecittà en Roma.[2]
Mesmo que las suyas cintas antecesoras, The Godfather Part III ye una cinta que ha recibiu cuantos premios y nominacions, en destacando siet nominacions a los Premios Oscar (Millor Cinta, Millor Director, Millor Actor Segundario, Millor Disenyo de Producción, Millor Fotografía, Millor Montache y Millor Canción Orichinal) en a suya 63ena edición y atras siet nominacions a los Premios Globos d'Oro (Millor Cinta Dramatica, Millor Director, Millor Actor Dramatico, Millor Actor Segundario, Millor Guión, Millor Banda Sonora Orichinal y Millor Canción Orichinal) en a suya 48ena edición.